SALAMO 36:1-8

¹Kerere ese kara dika tauna e hereva heniamu, ia lalona ai e herevamu; Dirava igari-henina na ia matana ai se miamu.

²Ia sibona matana ai e heaḡimu, e tomu, ena kara dika na ta ese basine davaria, bona basine inai henia diba.

³Ia uduna herevadia na didika bona kokoikoi; aonega karadia bona kara namodia vada e hadoko.

⁴Ena mahuta patana ai kara dikadia e haeromu; dala asi namona e rakalaiamu, kara dika na se dadaraiamu.

⁵Iehova e, oiemu hebogahisi na guba e dae laomu, emu heabidadama na ori ai e kaumu.

⁶Oiemu kara maoromaoro na Dirava ena ororo na heheto, emu hahemaoro na gadobada na heto. Iehova e, taunimanima bona mauri ḡaudia idau-idau danu oi ese o hamauridiamu.

⁷Dirava e, emu hebogahisi na herea-dae; taunimanima natudia ese oi hanimu ikerukerudia ai e komumu.

⁸Emu ruma anianidia e ani boga kunumu; emu moale sinavaina amo o ha-inudiamu.