Psalms 36:1-8

¹IET me i men inda jan lol en monion i duen tiak en me japun o: Jota lan Kot mi mon maj a.

²A kin kotaue o linkapin, pwen pein i dadaurata a dodok jued, ap tataki me tei kan.

³A lokaia karoj me jued o likam; a pil jota kin duki on padak, pwen wiada me mau.

⁴A kin madamadaua pon a loj. A kin weweid nani al me jota mau o jota kin juedeki me japun.

⁵Main, omui kalanan me ideda won lan, o omui melel pil lel on tapok kan.

⁶Omui pun rajon nana en Kot akan, o omui kadeik kan me rajon iluk ileile kalank; Main, komui me kotin dorela aramaj o man akan.

⁷Meid kajampwal omui kalanan Main Kot, pwe aramaj akan kin diar wajan kamaio pan mot en lim omui!

⁸Re pan jaliel kila dipijou toto nan tanpaj omui, o kom kotin kanim pil kin irail peren laud rajon pilap pot.