Sɑ̃ɑrun Woodɑ 4:20-27

²⁰Nge mɛ u rɑɑ kuɑ win tiin torɑrun sɔ̃, nge mɛyɑ u koo ko Isirelibɑ kpuron torɑ ten sɔ̃ kpɑ Gusunɔ u sere bu suuru kuɑ.

²¹Yen biru kpɑ u kɑ yɑɑ ye yɑ tie dɑ sɑnsɑnin biruɔ kpɑ bu ye doke dɔ̃ɔ sɔɔ nge mɛ bɑ rɑɑ kuɑ wi, yɑ̃ku kowon torɑrun sɔ̃. Yɑ̃ku te, tɑ sɑ̃ɑwɑ Isirelibɑ kpuro bu kɑ ben torɑrun suuru wɑ.

²²Isirelibɑn wirugii goo ù n Gusunɔn woodɑ gɑɑ sɑrɑ u ǹ kɑ bɑɑru, u torɑwɑ mi.

²³Adɑmɑ ù n tubɑ mɑ u torɑ, boo kinɛrɑ u koo go te tɑ ǹ ɑlebu gɑɑ mɔ u kɑ yɑ̃kuru ko. Kpɑ Gusunɔ u nùn win torɑ te suuru kuɑ.

²⁴Ù n kɑ boo ge nɑ, u koo win nɔmɑ sɔndiwɑ boo gen wɔllɔ kpɑ u gu sɑkɑ mi bɑ rɑ yɑ̃ku dɔ̃ɔ mwɑɑrɑruginun yɑɑ sɑke. Yɑ̃ku te, tɑ sɑ̃ɑwɑ torɑrun suurugiru.

²⁵Yɑ̃ku kowo wi, u koo kɑ win niki biɑ yɛm mɛ dɛkɑwɑ kpɑ u mu yɛ̃kɑ yɑ̃ku yerun kɑ̃ɑnu sɔɔ. Yɛm mɛ mu tie, kpɑ u mu wisi yɑ̃ku yee ten temɔ.

²⁶U koo yɑɑ yen gum kpuro suɑwɑ u dɔ̃ɔ doke nge mɛ bɑ rɑ siɑrɑbun yɑ̃kuru ko. Nge mɛyɑ yɑ̃ku kowo tɔnwero wi, u koo ko u kɑ wirugii win torɑrun suuru kɑnɑ. Sɑɑ ye sɔɔ, Gusunɔ u koo nùn tu suuru kuɑ.

²⁷Tɔn diro goo ù n Gusunɔn woodɑ gɑɑ sɑrɑ u ǹ kɑ bɑɑru, u torɑwɑ mi.