لٍوِ سّرّشّدُبّ 4:20-27

²⁰عَ شَ يِ تُورَ بَ سّرّشّ رَ عَلْ نَشَن بَمَ يُنُبِ شَقَرِ سّرّشّ رَ. عٍ بَ كِ بِرِن كٍرٍن. نَ كُي، سّرّشّدُبّ سّرّشّ بَمَ نَشَن قِندِ مَ عٍ شُنسَرٍ رَ، عَلَكٌ عٍ شَ يُنُبِيٍ شَ شَقَرِ.

²¹عَ شَ نَ تُورَ شَنِن حَمَ يٌنكِندٍ قَرِ مَ، عَ شَ عَ فَن عَلْ بٌورٍ تُورَ فَنمَ كِ نَشّ. نَ قِندِ مَ يُنُبِ شَقَرِ سّرّشّ نَن نَ حَمَ بّ.»

²²«شَ مَنفّ ندٍ عَ مَرِفِ عَلَتَلَ شَ يَامَرِ ندٍ مَتَندِ، كْنْ نَ مُ كٍلِ عَ حَنِفٍ مَ، نَ قِندِ مَ يُنُبِ رَ عَ بّ.

²³عَ نَ قَهَامُي سْتْ نَ مَ تّمُي نَشّ، عَ شَ سِكْتّ بَ سّرّشّ رَ، لَنيُرُ مُ نَ نَشَن مَ.

²⁴عَ شَ عَ بّلّشّ سَ سِكْتّ شُن تَفِ مَ ﭑ تَن عَلَتَلَ يَ عِ، عَ عَ كْن نَشَبَ سّرّشّ فَن دَاشِيٍ كْن نَشَبَمَ دّننَشّ. يُنُبِ شَقَرِ سّرّشّ نَ عَ رَ.

²⁵سّرّشّدُبّ شَ عَ بّلّشّسٌلٍ رَفٌرٌ نَ وُلِ شْورَ نَشَن بَشِ يُنُبِ شَ قٍ رَ، عَ ندٍ سَ قٍرِيٍ مَ نَشٍيٍ نَ سّرّشّ فَن دَاشِ سّرّشّبَدٍ تُنشُنيِ نَانِ رَ. وُلِ نَشَن لُشِ، عَ شَ نَ عِقِلِ سّرّشّ فَن دَاشِ سّرّشّبَدٍ لَنبَنيِ مَ.

²⁶عَ شَ نَ تُرٍ بِرِن فَن سّرّشّبَدٍ قَرِ، عَلْ شَنُنتٍيَ سّرّشّ رَبَمَ كِ نَشّ. نَ كُي سّرّشّدُبّ شُنسَرٍ سّرّشّ بَمَ مَنفّ بّ، عَلَكٌ عَ شَ يُنُبِ شَ شَقَرِ.»

²⁷«شَ مِشِ ندٍ سَ عَ مَرِفِ عَلَتَلَ شَ يَامَرِ ندٍ مَتَندِ، كْنْ نَ مُ كٍلِ عَ حَنِفٍ مَ، نَ قِندِ مَ يُنُبِ رَ عَ بّ.