Text copied!
CopyCompare
Bib La - Sòm - Sòm 33

Sòm 33:1-12

Help us?
Click on verse(s) to share them!
1Nou tout k'ap viv jan Bondye vle l' la, fè kè nou kontan pou sa Seyè a fè. Nou tout k'ap mache dwat devan li, li bon pou n' fè lwanj li.
2Jwe enstriman mizik pou di Seyè a mèsi! Jwe gita dis kòd la, fè fèt pou li.
3Chante yon chante tou nèf pou li. Wi, jwe bèl mizik, chante byen fò.
4Paske, pawòl Seyè a se verite. Li fè tout bagay jan l' te di l' la.
5Seyè a renmen sa ki dwat, li renmen sa ki san patipri. Toupatou sou latè nou wè jan li gen bon kè.
6Seyè a pale, epi syèl la fèt. Li soufle ak bouch li, tou sa ki nan syèl la fèt.
7Li ranmase tout dlo lanmè a yon sèl kote. Li mete tout dlo ki nan fon lanmè a nan rezèvwa.
8Se pou tout moun sou latè gen krentif pou Seyè a. Se pou tout moun sou latè tranble devan li.
9Paske, li pale, bagay la rive. Li bay lòd, tout bagay fèt.
10Seyè a detounen plan travay peyi yo, li anpeche pèp yo reyalize sa yo te gen lide fè.
11Men, plan travay Seyè a la pou tout tan. Sa l' gen lide fè a ap toujou fèt.
12Ala bon sa bon lè yon peyi gen Seyè a pou Bondye li! Ala bon sa bon pou pèp li chwazi pou rele l' pa l' la!

Read Sòm 33Sòm 33
Compare Sòm 33:1-12Sòm 33:1-12