Text copied!
CopyCompare
Baibal Olcim - Tingtoeng - Tingtoeng 33

Tingtoeng 33:1-12

Help us?
Click on verse(s) to share them!
1Aka dueng rhoek aw BOEIPA dongah koehnah a rhoeprhui neh a thuem la tamhoe uh.
2BOEIPA te rhotoeng neh uem uh lah. Thangpa parha neh amah te tingtoeng uh lah.
3Amah taengah tamlung neh detdet tum lamtah laa thai sa uh lah.
4BOEIPA kah olka tah thuem tih, a bibi boeih khaw uepomnah la om.
5Duengnah neh tiktamnah aka lungnah, BOEIPA kah sitlohnah he diklai ah baetawt.
6BOEIPA kah olka loh vaan rhoek neh, a ka lamkah a hil loh vaan caempuei boeih ke a saii uh.
7Tuitunli kah tui rhoek te som bangla na calui tih, tuidung thakvoh khuiah na khueh.
8Amah kah diklai pum loh BOEIPA te rhih uh saeh. Lunglai boeih kah khosa rhoek loh amah taengah bakuep uh saeh.
9Amah loh a thui tih amah la coeng. Amah loh a uen tih amah khak pai.
10BOEIPA loh namtom kah cilsuep te hnalval pah tih, pilnam kah a kopoek te a tomta pah.
11BOEIPA kah a cilsuep tah thawnpuei phoeikah thawnpuei patoeng kah a lungbuei kopoek ah kumhal duela cak.
12A Pathen YAHWEH kah namtu tah a yoethen, pilnam khaw amah kah rho la a coelh.

Read Tingtoeng 33Tingtoeng 33
Compare Tingtoeng 33:1-12Tingtoeng 33:1-12