Ruki 2:18-24

¹⁸Minti tumanta ekaa vaiinti nahenti vi uvara iri airi avu aato utiha vaura.

¹⁹Mariava vi uvara aatoqi vatero niharovata, virara iriqiro ni vaura.

²⁰Sipisipiqaa raqiki vau vaiintika vainti vira tave, orurante aniha vika enselivano tu uvarara quqaave tivakeha, vika vaaka tave irurara irihama Kotira autu tuaheraqi anura.

²¹Ihura vatatovaro 8 entanavu aitarovaro viva qorainti vainti vaumantara ti, vira vaata toqake entava aniromanta vi entaraqaa vira autu rehama, Ihurave, turama. Haaru qumina enta, Mariava kia vainti taiqaa vu entara enselivano vi autura amiate turara iriha vi autura ravatora.

²²Mariava vainti vatatero Mosiva maara tivato uvarara iriharoma vo entanavu varikero vira vaata hiqama vuarira entava aniromanta vitanta Iohepika Ihura vita vare Nora Kotira amireka Ieruharemini vura.

²³Noravano maara tu uvara qara ntuva tova mintima tiro: Ekaa qorainti vainti hoqare vatatena vaintira Nora Kotira amiraro vira vainti variarire.

²⁴Vi entara are Kotira Naavuqi orurera uviri taaraqanta mirura voqaatanta amiraro Kotira iha quara amitaarire, tura. Mariaka Iohepika vi uvara irihama Ieruharemini vura.