LUKU 2:18-24 - Luda yã takada kↄ̃n Bokobaru yão

¹⁸Ben yã kɛ̀ sãdãrinↄↄ ò pì bↄ̀ gbɛ̃ kɛ̀ aↄ̃ↄ mànↄ saɛ ń píngi.

¹⁹Mariama yã pì kũna a nↄ̀sɛ guu píngi èe laasuu lɛɛa.

²⁰Sãdãrinↄ lìara wà tà, aↄ̃ↄe Luda tↄ́ sɛɛ lezĩ aↄ̃ↄe à sáabu kpaa yã kɛ̀ aↄ̃ↄ mà ben aↄ̃ↄ è yãnzi, zaakɛ à kɛ̀ lán wà òńnɛ nà.

²¹À gurↄ sↄraagↄ̃dee zĩ nɛ́ bã̀ngukɛgurↄↄ kà, ben wà tↄ́ kpànɛ Yesu, tↄ́ kɛ̀ malaika ò zaalɛ wèe à nↄ̀ síroo.

²²Kɛ̀ aↄ̃ gbãsĩbↄgurↄↄ kà, aↄ̃ à sɛ̀ wà gàa à ↄdↄa Diinɛ Yerusalɛmu lán Musa doka ò nà.

²³Zaakɛ à kú Dii doka takadan wà bè, wà daudunↄ kpá Diia.

²⁴Aↄ̃ sa'opↄ kɛ̀ wà dìɛ Dii doka takadan kpà, wà bè pↄ̃tɛ̃ɛ mɛ̀n plaaa ke lukulukunɛ bↄ̀rↄ mɛ̀n plaa.