22Iterl-aray! Akngey ra ingkerrenhek inkwerelhem, ra nthakenh amek-arey-angenh. Israel-kenh-rnem Jesus ikwerety amentirrek, ra renh-rnem kel amek-arey-angenh iwek. Arrekantherr ra inkwerelhek. Amentirrenty, ranem iweyenh arwerl arleny iweyenh-apeny. Arrantherr ikwerenh-angkwarr apententy, ra mwerr arntarnt-arem.
23Israel-arenyel-rnem Jesus renh tnakenty, ra renh-rnem itethilem, rnkernem angkep, anyentelhilem ikwerenh-rnem-warl.
24Iterl-aray, arwerl anyent-apeny, Jew-rnem-tangkwel anenh, angka anyent-angkwarr apentenh. Angkep anyentelhilem ikwerenh-rnem-warl. Angkep rnkerneynem ikwerenh-rnem-warl, angkep aylpeyneyel ikwerenh-rnem-warl. Amentew-ament alherl-alhenty-apeny.
25Atyenh-rnem, atha arrenhantherr angka anyelkel-antey ilem, arrantherr iterretyek, tyak iterl-arelhetyek. Akngeyel Israel-kenh-rnem ilpertilek, Jew-weny-rnem apmer arrpanenh-they Akngey-warl anyentirretyek.
26Ikwer-penh Israel-kenh-rnem itethileyenh, Akngey-kenh angka arrwekeleny aynteyel arrpemarl, “Apmer Zion-they itethiley-angker ra apetyeyenh, Israel-kenh-rnem apmwekety mwerrileyenh.
27Atha apmwa ikwer-rnem-kety iweyenh. Alakenh atha iwerr mpwarem ikwer-rnem.”
28Jew-rnem menty angka mwerr-angkerek ipmelhekarl-kety rernemarl arlkarirrenharl-kety, ranem angka arrernek Jew-weny-rnemek, rernem-anem apentetyek ikwerenh-angkwarr, Jesus renh tnaketyek. Jew arrwekeleny-tangkwel ra arntarnt-arek, Jew-rnemek iylpelirrey-angenh-antey. Angka arrernek ikwer-rnem arrwekel inngantey, ipmelhey-angenh arrangkw.
29Arrwekel ra renh-rnem alhelek anthetyek. Akngeyel renh-rnem rlwanek, ilek-ilek renh-rnem anthek. Ra angka ikwer-rnem arrernek. Ra nthakenh ikwer-rnem-kety iylpelirrey-angenh, aleth-antey arntarnt-areyel.
30Alethang-rnem, arrwekel arrantherr Akngeyek awelhey-angenh. Aley-anyem ra mwerr-angkwarr arrekantherr lwewarrernelhek, Israel-kenh-rnem ikwer awelhey-angenh-kety, Jesus renh tnakey-angenh-kety.
31Lyert Israel-areny-rnem Akngeyek awelhey-angenh. Akngeyel renh-rnem mwantyel arntarnt-arenh, rarl arrenhantherr mwantyel arntarnt-areyenh-apeny.
Romans 11
Romans 11:22-31