ROMUDENƆ 11:22-31

²²Ǹ gwa lákũ Luda mana nà, akũsↄ̃ à pãsĩ. À pãsĩ kũ gbɛ̃ kũ ò fùanↄ, akũ à manannɛ, tó n zɛ kũ a manakɛnaao. Tó lɛnlo, ani n zↄ̃mɛ se.

²³Tó Isarailanↄ ń ludanaanikɛnasari tò, ani ɛra à ń pɛ́ ń gbɛ̀mmɛ, zaakũ à ń pɛna ń gbɛ̀n gbãna vĩ.

²⁴Tó Luda n zↄ̃ kùnnɛ lía à n pɛ kù lí yãpuraa lákũ òdi kɛro nà, kù lí gã̀ yãpuranↄ ɛra à pɛna ń zĩda lía zɛ́ vĩ de abirelaroo?

²⁵Ma gbɛ̃nↄ, má ye àgↄ̃ asiriyã díkĩna dↄ̃, de á wɛ́ súngↄ̃ sira à á zĩda ditɛ ĩadãrinↄ ũro yãi. Isaraila kparanↄ sãgbãna kũ̀ gĩa ari buri pãndenↄ gɛ̃na kpata kũ à bò Luda kĩnaa gũn lɛ́ gↄ̃ ká.

²⁶Abire gbɛra Luda ni Isarailanↄ sura ba ń pínki lákũ à kɛ̃na Luda yãn nà kũ ò pì: Surabari ni bo Zaiↄ̃, ani Yakubu burinↄ kɛ̃kↄ̃a kũ ludadↄ̃nasario.

²⁷Ma bàka kunna kũńwo yãn gwe gↄrↄ kũ mani ń durunna kɛ̃ḿma.

²⁸Baaru nna pì yã musu ò de Luda ibɛrɛnↄ ũ á yãi. Luda gbɛ̃nↄ sɛna yã musu ò de Luda yenyĩdenↄ ũ ń dizi káakunↄ yãi.

²⁹Zaakũ Luda gbanↄ kũ gbɛ̃ kũ à ń sísi à ń sɛ́nↄ dì sí litɛro.

³⁰Ákↄ̃nↄ buri pãndenↄ ádi Luda yã ma yãro. Tera sà Luda sùru kɛ̀ kãáo kũ Isarailanↄ dí a yã maro yãi.

³¹Lɛn Isarailanↄ gì Luda yã mai lɛ tera, de Luda le à sùru kɛ kãáo gbasa à sùru kɛ kũńwo.