ROMA 8:7-15

⁷Tau-anina ilalona ese Dirava e inai heniamu, badina be Dirava ena taravatu se badinaiamu bona ibadinana asi dibana.

⁸Tau-anina ilalona ai e nohomu taudia na Dirava ihamoalena asi dibadia.

⁹Dirava ena Lauma lalomui ai bema noho, umui na tau-anina ilalona ai basioma noho, a lauma ilalona ai boma noho. A Keriso ena Lauma se abiamu tauna na dia Keriso ena.

¹⁰Keriso bema lalomui ai, tau-anina bema mase, kara dika dainai, a lauma bema mauri, kara maoromaoro dainai.

¹¹Iesu mase amo e hatorea isi Laumana na lalomui ai bema noho, Keriso Iesu mase amo e hatorea isi Diravana ese umui taumui bema hamauridia, ena Lauma lalomui ai bema noho dainai.

¹²Taunabunai, varavaragu e, asi eda ima-doa tau-anina enai, bona tau-anina ena ura basita kara.

¹³Badina be tau-anina ena ura ba kara, vada ba mase; a lauma ena amo tau-anina ena kara ba hamase, ba mauri.

¹⁴Badina be Dirava ena Lauma ese e hakaudiamu taudia iboudiai na Dirava natuna.

¹⁵Umui be hesiai laumana mai garina ida asio abia lou, a heabi-dae laumana vada o abia; taunabunai ta boiboimu, ta tomu “Aba e, Tamamai e!”