Roma 7:8-19

⁸Hakke heɓii laawol diga e umuroore, ɗe gattimmi suunooji iri ɗiye fu. Gam to tawreeta walaa, hakke bo waatii.

⁹Naane, ko mi annaano tawreeta, emi wuurunoo. Amma no umuroore wari, hakke heɓii baawɗe,

¹⁰den min, maayumi. Umroore kaanunoone hokkammi yonki, waddanii am maayde.

¹¹Gam hakke heɓii laawol diga e umuroore, ƴoyrimmi, yaarimmi der maayde.

¹²Hande non, tawreeta e laatii ceniika. Umroore bo e laatii seniine, foonnitiine, wooɗune.

¹³Jooni, ko wooɗi laatanike am maayde na? Abada! Amma gam hakke hollitoo no ɗe laati nun hakke e gooŋa, ɗe gollirii ko wooɗi, go ɗe barimmi. Hande non, diga e umuroore, hakke heɓi hollitiri hallande mum fu.

¹⁴Een anni tawreeta ƴiwii diga Ruuhu. Amma min, mii laatii neɗɗo tampuɗo, mii laatii maccuɗo hakke.

¹⁵E gooŋa, mi faamataa ko gaɗanmi. Ko jiɗumi, mi waɗataa ɗum, amma ko banyumi, gaɗanmi.

¹⁶To mii waɗa ko mi yiɗaa, eɗum hollita no mi nootake tawreeta e wooɗi.

¹⁷Jooni, min bane waɗata ko gaɗanmi, hakke gonuɗe der am waɗata ɗum.

¹⁸Gam mii anni, ko wooɗi walaa der am, waato der ɓannu am. Mii yiɗi waɗugo ko wooɗi, amma mi waawataa ko waɗi ɗum.

¹⁹Mii yiɗi waɗugo ko wooɗi, amma mi waɗataa ɗum. Kalluɗum ko mi yiɗaa gaɗanmi.