Rom 7:8-19

⁸A ningaru hale nau i rata iau a ngutu na maki i kupo legelege, a vuhuna a vinara i hatekakari iau nahea ga ngutu na maki na viri tara. Pali a ningaru ne hita ni rata a naro hale i uka ma i tora hateka na tahuna i uka vinara.

⁹Hosi i uka ma a lohoka na vinara, i uka ma a luhoi legelege. Pali na tahuna a lohoka na Vinara na Vure, a matakilaka vona a naro hale nau, ngane a lohoka vona, a marava basi na Vure.

¹⁰A luhoi ta a vinara ge habi nau a nimahuri vakaroro na tahuna a longototo lobo ria. Pali i uka ma i mavonga. I rata iau a marava basi na Vure, a vuhuna a keri ni longototo lobo a vinara.

¹¹A naro hale i tami iau, ta ga ramai lobo a Vinara na Vure, ga bole a nimahuri vakaroro. Pali iau a keri, lakea i rata iau a marava basi na Vure.

¹²I mavonga, a vinara i malamala. A Vinara na Vure i ravulu ri malamala, ri uka a hini hale ne ria, ri kamumu kunana.

¹³I navai? A Vinara kamumu na Vure i rata iau a mate? I uka liu. A naro hale i ratea a vinara kamumu i vakabele a matenga na kakaigu. I bele mavonga, a vinara ge vakasiri kavakava ne hita vona a naro hale i hale hateka.

¹⁴Si lohoka vona a Vinara i valai na Vure. Pali iau a bakovi na malala, a manga a vorakato na ningaru hale na kakaigu.

¹⁵Ra iau, i navai a rata mavonga? A naro a koi ni ratea, a ratea. Pali a naro a ngaru ni ratea, i uka ma a ratea.

¹⁶Na tahuna a rata a maki hale a koi ni rata, a matakilaka vona a vinara a maki kamumu.

¹⁷I mavonga i uka ma a ningaru nau a rata a naro hale. A rata a vuhuna ra ningaru hale pololilo na kakaigu i tora hateka.

¹⁸A lohoka vona, i uka tara maki kamumu vona a ningaru hale na kakaigu. A ngaru ni rata a naro kamumu, pali iau a keri.

¹⁹A naro kamumu ta ga ratea, i uka ma a ratea. Pali a naro hale a koi ni rata, a rata bala.