8Chay mandamientopi jap'icuspa, juchaka tucuy imayna mana allin munaycunata ruwachin. Manaraj ley cajtenka, juchaka wañuska jina.
9Uj tiempopi causarkani mana leywan. Ley jamojtintaj, juchaka causariska jina caporkan.
10Nokataj wañorkani. Chay leyka causayta kowaypachaka wañuyman apachcawarkan.
11Chay leypi jap'icuspa juchaka engañawarkan, wañuchiwanmanpas jinata.
12Tucuchaypeka, ley quiquenka santo, mandamientopas santo, justo, allin.
13¿Ley allin caspari, apawankachu wañuyman? ¡Mana jinachu! Juchapuni caskanta ricuchicunanpaj, juchaka allin cajpi jap'icuspa wañuchiwan. Ajinaka leypaj mandacuskanwan juchaka ricuchicun sinchi sajra caskanta.
14Yachanchis leyka Diosmanta caskanta, nokataj juchayoj runa cayniypi esclavo jina juchaman vendiska cani.
15Mana entendinichu ima pasawaskanta. Munaskayta mana ruwanichu, manachayri chejniskayta ruwani.
16Mana munaskayta ruwani chayka, reparacuni leyka allin caskanta.
17Ajinaka manaña nokachu ruwani, manachayri nokapi caj jucha ruwan.
18Yachani ari, juchayoj runa cayniypi ni ima allin cawaskanta. Allinta ruwayta munani chaypas, mana ruwayta atinichu.
19Mana ruwanichu allin ruway munaskayta, manachayri mana allinta ruwani, mana ruway munaskayta.
Romanos 7
Romanos 7:8-19