ROMA 2:6-15

⁶Ia ese taunimanima iboudiai edia kara heḡereḡerena davadia do baine henidia hagau-hagau:

⁷kara namodia e kara tarika-tarikamu bona hairai bona hahenamo bona basine pata maurina danu e tahumu taudia na mauri hanaihanai bae abia;

⁸a e heiri-heirimu bona hereva momokani e dadaraiamu bona kara gageva-gageva e badinamu taudia na badu bona hisihisi bae abi.

⁹Kara dika taudia ese lalo-hisihisi bona kudou-hetaha bae davari, guna Iuda taudia, gabe amo Helene taudia;

¹⁰a kara namo taudia ese hairai bona hemataurai bona maino bae davari, guna Iuda taudia, gabe amo Helene taudia.

¹¹Badina be Dirava ese taunimanima iboudiai e itadiamu, heḡereḡere mo.

¹²Taravatu murimurinai e kara dika taudia na taravatu murimurinai davadia bae abi, a taravatu lalonai e kara dika taudia na taravatu lalonai bae hahemaoro henidia.

¹³Dirava vairanai bae maoromaoro taudia na dia taravatu e kamonaimu taudia, to taravatu e badinamu taudia hari.

¹⁴Bese idau-idau taudia na taravatu asi dibadia, to lalodia ai taravatu e badinamu; taravatu be asi dibadia, to sibodia edia taravatu e haginimu.

¹⁵Idia ese lalodia ai e torea tal-avatuna karadia e hahedinaraimu, bena lalodia ese taravatu e hamomokanimu; bona lalodia ese e hahemaoro henidiamu, bena e habadelaidiamu, eiava maorodia e gwauraimu.