Psalms 28:1-7

¹A SOMOL, ni gur e yoror rog, gu be piningem, mmotoyil ko meyor rog! Fa’anra dab mu fulweg lungug, ma bay gu’un ngak e pi’in ngranod nga’ar ko fayleng ko yam’.

²Mu rung’ag lungug u nap’an ni gu ra man ayuw ngom, ko ngiyal’ ni ku gu chibiy pa’ag ngalang ko Tempel rom nib thothup.

³Dab mu unegeg ko pi’in kireb ngam gechig nigeg, ni pi’in yad ma ngongoliy e kireb nib sumunguy e thin rorad, machane ba sug lanin’rad ko fananikan.

⁴Mu gechig nagrad ni fan ko n’en karin’ed, ni fapi kireb ni kar ngongoliyed. Mu gechig nagrad ko gubin e ngongol rorad; mu gechig nagrad ni rogon ni nge aw ngorad!

⁵Darir leam niged e tin ke rin’ SOMOL ara tin ke sunumiy; ere bayi gechig nagrad ni nge thang owcharad ni manemus.

⁶Ngan pining e sorok ngak SOMOL; ya ke rung’ag lungug ni gu be man ayuw.

⁷SOMOL e ayuw rog ma yoror rog; ma ir e ba pagan’ug ngak. Ma pi’ e ayuw nge felfelan’ ngog; gu ma pining e sorok ngak ko tang ni felfelan’.