1A Got, mu rung’ag e meyor rog; ma ga motoyil ko meybil rog!
2Gu be piningem nike m’ath e liyab rog, ma gub palog u tabnaw. Mu fekeg ngabang ni dabi buch ban’en rog riy,
3ya gur e manaf rog, ma yoror rog nib gel ngak e pi to’ogor rog.
4Mu pageg ngu par rom u tafnam nib thothup u n’umngin nap’an e yafos rog; mu teg ngug par u tan pom ndariy ban’en nra buch rog.
5A Got kam rung’ag e tin kug micheg, ma ka mu pi’ ngog e n’en nib milfan ngak e pi’in yad ma liyor ngom.
6Mu puthuy bo’or e duw ko yafos rok e en pilung; mu tay ni dab ke’ yim’!
7A Got, mang e yigi gagiyeg u p’eowchem ndariy n’umngin nap’an, mu yororiy ko fare t’ufeg rom ni dabimus nge fenam yul’yul’.
8Gubin ngiyal’ ni bay gon’ e tang ni gu be pining e sorok ngom, ko ngiyal’ ni gu be pi’ ngom ni yu rran e n’en ku gu micheg.
