Psalms 146:2-10

²I pan kapina Ieowa arain ai maur, i pan kauleki pjalm akan on ai Kot arain maur i.

³Der kaporoporeki jaupeidi kan, pwe irail aramaj o jota kak jauaja.

⁴Pwe nen en aramaj udan a pan kokola, o a pan pur on wiala pwel, i ran ota a jolar kak madamadaua meakot.

⁵Meid pai me jauaj parail Kot en Iakop, me kin kaporoporeki Ieowa a Kot,

⁶Me kotin kapikadar lan o jappa, o madau, o audepa rail karoj, me kin melel potopot eta,

⁷Me kotin jauaja pun en me lodi on kalokolok mal, me kamana me men manadar. Ieowa kin kotin lapwada me jalidi kan.

⁸Ieowa kin kotin kapad pajan maj en me majkun akan. Ieowa kin kotin kainjenemaula me mauk; Ieowa kin kotin pok on me pun kan.

⁹Ieowa kin kotin jinjila men wai kan, o jauaja me japoupou o li odi kan, ap kotin kawela al en me doo jan Kot akan.

¹⁰Ieowa iei Nanmarki joutuk, om Kot Jion kokolata. Aleluia!