Yabura 146:2-10

²n xa a matɔxɔ n ma simaya birin na. N n Marigi Alatala matɔxɔma nɛ bɛɛti ra, fanni n na n nii ra.

³Wo naxa wo yɛtɛ taxu mixi xungbee ra, barima adamadie na e ra, naxee mu nɔma mixi rakiside.

⁴E nii bama nɛ e fate i, e gbilen bɛndɛ. Na lɔxɔɛ yati, e naxan ɲanigexi, na birin ɲɔnma nɛ.

⁵Sɛɛwɛ na mixi bɛ, Yaxuba Marigi Ala naxan malima. Sɛɛwɛ na mixi bɛ, naxan a xaxili tima a Marigi Alatala ra,

⁶Ala naxan koore nun bɔxi daa, Ala naxan baa nun a kui see birin daa, dugutɛgɛɲa na Ala naxan bɛ abadan.

⁷Alatala tɔɔɲɛgɛtɔɛe xun mafalama, a donse fima kaamɛtɔɛe ma, a geelimanie raminima geeli kui,

⁸a dɔnxuie ya rabɔɔma, a mixi magoroxie xun nakelima, a tinxintɔɛe xanuma,

⁹a mɛɛnima xɔɲɛe ma, a kiridie nun kaaɲɛ ginɛe bun tima, kɔnɔ a mixi ɲaaxie tan xun nakanama nɛ.

¹⁰Siyoni, wo Marigi Alatala xa mangɛya mu ɲɔnma abadan. Wo xa Alatala matɔxɔ!