3Ignis ante ipsum præcedet, et inflammabit in circuitu inimicos ejus.
4Illuxerunt fulgura ejus orbi terræ; vidit, et commota est terra.
5Montes sicut cera fluxerunt a facie Domini; a facie Domini omnis terra.
6Annuntiaverunt cæli justitiam ejus, et viderunt omnes populi gloriam ejus.
7Confundantur omnes qui adorant sculptilia, et qui gloriantur in simulacris suis. Adorate eum omnes angeli ejus.
8Audivit, et lætata est Sion, et exsultaverunt filiæ Judæ propter judicia tua, Domine.