PSALMORUM 8:2-6

²Domine, Dominus noster, quam admirabile est nomen tuum in universa terra ! quoniam elevata est magnificentia tua super cælos.

³Ex ore infantium et lactentium perfecisti laudem propter inimicos tuos, ut destruas inimicum et ultorem.

⁴Quoniam videbo cælos tuos, opera digitorum tuorum, lunam et stellas quæ tu fundasti.

⁵Quid est homo, quod memor es ejus? aut filius hominis, quoniam visitas eum?

⁶Minuisti eum paulominus ab angelis; gloria et honore coronasti eum;