PSALMORUM 80:6-10

⁶Testimonium in Joseph posuit illud, cum exiret de terra Ægypti; linguam quam non noverat, audivit.

⁷Divertit ab oneribus dorsum ejus; manus ejus in cophino servierunt.

⁸In tribulatione invocasti me, et liberavi te. Exaudivi te in abscondito tempestatis; probavi te apud aquam contradictionis.

⁹Audi, populus meus, et contestabor te. Israël, si audieris me,

¹⁰non erit in te deus recens, neque adorabis deum alienum.