PSALMORUM 44:3-9

³Speciosus forma præ filiis hominum, diffusa est gratia in labiis tuis: propterea benedixit te Deus in æternum.

⁴Accingere gladio tuo super femur tuum, potentissime.

⁵Specie tua et pulchritudine tua intende, prospere procede, et regna, propter veritatem, et mansuetudinem, et justitiam; et deducet te mirabiliter dextera tua.

⁶Sagittæ tuæ acutæ: populi sub te cadent, in corda inimicorum regis.

⁷Sedes tua, Deus, in sæculum sæculi; virga directionis virga regni tui.

⁸Dilexisti justitiam, et odisti iniquitatem; propterea unxit te Deus, Deus tuus, oleo lætitiæ, præ consortibus tuis.

⁹Myrrha, et gutta, et casia a vestimentis tuis, a domibus eburneis; ex quibus delectaverunt te