PSALMORUM 34:13-16

¹³Ego autem, cum mihi molesti essent, induebar cilicio; humiliabam in jejunio animam meam, et oratio mea in sinu meo convertetur.

¹⁴Quasi proximum et quasi fratrem nostrum sic complacebam; quasi lugens et contristatus sic humiliabar.

¹⁵Et adversum me lætati sunt, et convenerunt; congregata sunt super me flagella, et ignoravi.

¹⁶Dissipati sunt, nec compuncti; tentaverunt me, subsannaverunt me subsannatione; frenduerunt super me dentibus suis.