PSALMORUM 30:3-7

³Inclina ad me aurem tuam; accelera ut eruas me. Esto mihi in Deum protectorem, et in domum refugii, ut salvum me facias:

⁴quoniam fortitudo mea et refugium meum es tu; et propter nomen tuum deduces me et enutries me.

⁵Educes me de laqueo hoc quem absconderunt mihi, quoniam tu es protector meus.

⁶In manus tuas commendo spiritum meum; redemisti me, Domine Deus veritatis.

⁷Odisti observantes vanitates supervacue; ego autem in Domino speravi.