Psalm 77:1-7

¹Psalm lal Asaph Nga wowoyak tung nu sin God, Nga tung ke pusra lulap ac El porongeyu.

²In pacl in ongoiya, nga pre nu sin Leum, Ke fong nufon nga sralak pouk in pre, Tusruktu nga tia ku in konauk misla.

³Ke nga esamak God, nga oela, Ac ke nga nunku yohk kacl, insiuk munasla.

⁴El oru tuh ngan ngetnget ke fong fon. Yokna mwe tukulkul in nunak luk, ac nga tia etu lah mea nga ac fahk.

⁵Nga nunku ke len pus somla, Ac esamak yac puspis in pacl oemeet ah.

⁶Nga ngetnget ke fong nufon ke sripen nunak luk. Nga nunak, ac pa inge ma nga siyuk sik sifacna:

⁷“Ya Leum El ac siskutlana? Ya El ac fah tiana sifil insewowo sesr?