Psalm 72:16-20

¹⁶Finsrak tuh in pukanten wheat fin acn uh; Ac inging uh in afla ke fokinsak, Oana ma kapak fin inging Lebanon. Lela tuh siti nukewa in nwanala ke mwet Oana mah in ima uh.

¹⁷Lela tuh inen tokosra in tiana mulkinyukla, Ac pwengpeng lal in oan paht oana faht uh. Lela tuh mutanfahl nukewa in siyuk tuh God Elan akinsewowoyalos Oana ke El akinsewowoyal tokosra.

¹⁸Kaksakin LEUM GOD, God lun Israel! Tuh El mukena ku in oru ma wolana inge.

¹⁹Kaksakin Ine wolana lal ma pahtpat! Lela tuh wolana lal in nwakla faclu nufon. Amen! Amen!

²⁰Pa inge saflaiyen pre lal David, wen natul Jesse.