Zəbur 72:16-20

¹⁶Qoy ölkənin zəmiləri bol olsun, Dağların başında dalğalansın. Bu ölkə Livan kimi məhsul versin, Qoy şəhərin əhalisi ot kimi bitsin.

¹⁷Qoy padşahın adı əbədi qalsın, Günəşin ömrü tək adı var olsun. Onun vasitəsilə insanlar xeyir-dua alsın, Onu bütün millətlər bəxtiyar adlandırsın!

¹⁸Alqış olsun Rəbb Allaha, İsrailin Allahına, Xariqələrin yeganə yaradanına!

¹⁹Onun şərəfli adına əbədi alqış olsun, Bütün yer üzü Onun izzətinə bürünsün! Amin! Amin!

²⁰Yessey oğlu Davudun duaları burada sona çatır.