Psalm 65:1-8

¹Psalm lal David O God, fal kut in kaksakin kom in Zion Ac karingin wulela lasr nu sum,

²Mweyen kom topuk pre. Mwet in acn nukewa ac fah tuku nu yurum

³Ke sripen ma koluk lalos. Ma sutuu lasr uh kutangkutla, Tusruktu kom nunak munas nu sesr kac.

⁴Insewowo elos su kom sulela, Su kom use in muta in acn mutal sum. Kut ac fah insewowokin ma wo su oan in lohm sum, Oayapa ke mwe insewowo in Tempul mutal lom.

⁵Kom topuk kut ke kom ase kutangla nu sesr, Ac kom oru pac ma wolana in molikutla. Mwet fin faclu nufon, Ac yen loeslana in meoa, elos wi pac lulalfongi in kom.

⁶Kom oakiya eol uh ke ku lom, Su mwe akkalemye ku lulap lom.

⁷Kom akmisye ngirngir in meoa uh Ac pusren noa uh; Kom akmisye pac fohsak lulap lun mwet uh.

⁸Faclu nufon fwefela in liye Ma usrnguk su kom oru. Orekma lom oru tuh mutanfahl nukewa In sasa ke engan, liki acn kutulap na nwe roto.