A Umana Kakailai 65:1-8

¹Kai nina i lue ra kakailai; a kakailai kai David. God, di tar vaninara ma ra pite varpa piram ta ra gunan Sion; Ma da pait ot pa ra vavalima piram.

²U, u toratorom ta ra niaring, A tarai par diat a tadav u.

³A lavur varpiam dia tur bat iau, Ma una ga pun vue diat.

⁴I ti doan ra tutana ba u pilak pa ia, ma u ora upi na maravai piram; Upi na ki ra kubam; Avet a maur ma ra bo na magit ta ra kubam, Ta kaum gomgom na pal tabu iat.

⁵Una ga torom ta vevet, ma una pait ra umana enana magit na bunurut ure ra takodo na maukuam, U God, u vuna ta kaveve varvalaun; U ba ra rakarakan a gunagunan i nurnur tam, Ma diat bula dia ki na ta aro vailik.

⁶U vungvung vapadikat ra lavur lualuana ma ra dekdekim, U vi pit ma ra niongor;

⁷U vango ra roro na ta, a roro na bobol tana, Ma ra urung kai ra lavur vuna tarai bula.

⁸Diat bula dia ki ta ra langlangun aro iat dia burut ta kaum lavur vakilang; U vagugu pa diat ta ra matana taubar ma diat ta ra matana labur.