Psalm 55:7-11

⁷Nga lukun sohkla nu yen loesla Ac oru nien muta luk yen mwesis.

⁸Nga lukun sulaklak ac konauk nien wikla luk Liki eng upa ac paka.

⁹O Leum, akfohsyauk sramsram lun mwet lokoalok luk! Nga liye mwet uh oru ma sulallal ac alein yohk in siti uh —

¹⁰Raunela ke len ac fong. Ma koluk lulap ac mwe lokoalok oasr yen nukewa in siti sac.

¹¹Oasr ma musalla in acn nukewa; Inkanek uh sessesla ke mwe akkeok ac ma kikiap.