Pisalem 64:2-9

²Abaaba ina au gi daha mo nia hagahuaidu o digau huaidu, mo nia hagabuulinga daangada huaidu.

³Digaula e olo nadau holole gii gaa be tulumanu dauwa, gei e puu nadau helekai huaidu gadoo be nia amu maalei.

⁴Digaula e limalima di hagadele nadau kai tilikai, ge hagalee langaadia. Digaula e oho digau humalia gi nadau tamu, ge hagalee mmaadagu.

⁵Digaula e hagadaubuni i lodo nadau hagabaubau huaidu, digaula e helehelekai be dehee di gowaa e dugu ginai nadau hele. Digaula e hai boloo, “Tangada e mee di gidee nia maa ai.”

⁶Digaula e haganoho nadau hai huaidu ga helekai, “Gidaadou gu haganoho hagahumalia tadau hai huaidu dela belee hai.” Di manawa mo nia hagamaanadu o tangada le e nngala.

⁷Malaa, God gaa puu ana amu maalei gi digaula, digaula gu limalima hua di lauwa.

⁸Mee ga daaligi digaula idimaa go nia helekai aalaa. Digau huogodoo ala ma gaa mmada gi digaula la ga lialiagi nadau libogo.

⁹Digaula huogodoo ga mmaadagu, digaula ga hagabaubau di mee a God dela ne hai, ga kaikai ana mee ne hai.