Text copied!
CopyCompare
Buka Hope - Sam - Sam 64

Sam 64:2-9

Help us?
Click on verse(s) to share them!
2Mu kopu nau, mamu va seu pani au koari hiniva kaleadi tadi na tie, koa sa kobi tinoni variva matedi.
3Va ṉarui rini sari na meadi guana magu varipera, meke va totoanae ni rini sari na zinama ṉoṉovala, guana tupi.
4Tuturei hola si arini pude tozi va enei, sari na dia sinekesekei na zinama kohakoha variva kurekuredi. Lopu matagutu si arini pude ṉoṉovali sari na tie leadi.
5Varizuka va ṉiṉirai si arini koari na dia ṉati binalabala seadi. Varivivinei nia rini vasina kaqu vekoi rini sari na dia sipata. “Loke tie kote dogoro gita,” gua si arini.
6“Esei si boka hata vura ni sari na nada tinavete kaleadi? Ele pada tome valeani gita sari nada binalabala,” gua si arini. Ura sari na binalabala pa bulona tie si tava paere.
7Ba kaqu gona ni tupi Tamasa si arini, meke kaqu hinoqa mate si arini.
8Kaqu tava kilasa si arini pa guguadi sari na dia zinama, meke ari doduru pu dogorodi si kote va qenoqeno batudi meke zama va sisire ni;
9Kaqu matagutu sari doduru tie, meke kaqu balabala ia rini gua sapu evaṉia sa Tamasa, meke kaqu totozia rini koari na tie sari nana tinavete.

Read Sam 64Sam 64
Compare Sam 64:2-9Sam 64:2-9