Papangolo 16:13-17

¹³Pag kanan Delila, “Engganad wani, pan-ay-ayamam sak-en ay adi ka ibaga di tet-ewa. Ibagam adi mo intoy iyat da ay mamalod en sik-a.” Kanan Samson, “Mo makiabel mo sin sinolid din pito ay apid di book ko ya isetset mo, komapsotak et mais-oak si odom ay ipogaw.”

¹⁴Inpaseyep Delila sisya, asi nan abelan din pito ay apid ay book na et insetset na si sanat, asi na kanan ay nangibogaw, “Samson, sana day Filisteo!” Kabangon si Samson et kagoyod sin book na sin tilar.

¹⁵Pag kanan Delila, “Intoy iyat na ngin ay kanam en laylaydem sak-en ngem adi ka met ibaga di tet-ewa? Namitlo ay in-etekam sak-en ngem adi ka pay laeng ibaga di gapo ay napigsa ka.”

¹⁶Inag-agew ay damdamagena et enggay naoma si Samson,

¹⁷isonga neyney na yan inbaga na di tet-ewa. Kanana, “Adi polos napokpokisan nan book ko, tan naidatonak ay mansilbi en Diyos manipod sin naianakak. Komapsotak mo mapokisanak et mais-o din pigsak si kompormi ay ipogaw.”