2YAWEI bin shoum im pipul olabat imbin bidim im enami olabat. Imbin shoum ola pipul langa ola kantri im pawa blanga seibum pipul, en blanga panishim im enami olabat.
3Imbin kipum im pramis langa ola Isreil pipul. Imbin rispek en abum det filing blanga laigim im pipul olabat olataim. Pipul brom ebriweya bin luk God bin win garram im pawa.
4Sing hepiwei ola pipul, langa YAWEI. Preisim im garram ola song en jingat gudbinjiwei.