2Ola beibi en lilwan biginini sing en preisimbat yu. Yubin meigim seifwan pleis blanga yuselp dumaji yu garram enami. Yu garra binijimap ol yu enami olabat, en detlot pipul hu wandi peiyimbek yu.
3Naitaim ai lukap langa det skai weya yubin meigim. Wen mi luk det mun en detlot sta weya yubin pudum langa olabat rait pleis, ai jinggabat melabat pipul iya langa graun.
4God, pipul nomo enijing. Wotfo yu oldei jinggabat melabat? Wotfo yu oldei lukaftumbat melabat?
5Yubin meigim melabat ola pipul lobala langa yu, bat yubin meigim melabat nambawan oni langa yu miselp.
6Yubin meigim melabat ola pipul jidan brabli haibala bos blanga ebrijing weya yubin meigim.
7Melabat jidan boswan blanga ola ship en buligi, en blanga ola kwaitwan enimul en blanga ola enimul langa bush.
8Melabat jidan boswan blanga ola bard langa skai en ola fish langa solwoda, en blanga ebrijing weya jidan laibala insaid langa solwoda.
Ola Saam 8
Ola Saam 8:2-8