Ola Saam 7:2-6

²Det laiyan gajim enimul, en im pulumwei im en baidim im, en ola bifpat jidan ebriweya. Wal lagijat na dei wandi deigimwei mi weya nobodi gin seibum mi.

³Dei tok aibin dum nogud ting, bat det stori im nomo trubala. YAWEI, main God, if aibin dum wanim deibin tok,

⁴if aibin ardim main fren hubin album mi, en if aibin stilim enijing brom main enami eniweya,

⁵wal yu larram detlot enamimob ranimap mi en deigim main laif. Dei gin pudumbut mi, en dei gin kilim mi ded, en libum mi langa graun.

⁶Gidap, YAWEI! Kaman en gitwail langa main enami olabat! Kaman en stapam detlot hu wail langa mi, dumaji yubin tok blanga det dei wen yu garra jadjim pipul.