Ola Saam 76:1-6

¹Ola pipul langa det kantri Juda sabi God. Dei rispek im neim langa Isreil.

²Im garram kemp langa Jerusalem. Im jidan langa Saiyan, det bigwan hil.

³Deya na, imbin breigimap ola erro blanga ol im enamimob, en ola shild en bigwan naif blanga olabat du. Ebrijing weya deibin abum blanga fait imbin breigimap.

⁴God, yu shain garram lait brabliwei. Yu jidan brabli haibalawan wen yu kambek brom detlot bigwan hil weya yubin bidim ol yu enamimob.

⁵Ola breibwan soljamob blanga olabat nomo garram enijing na, en tudei olabat ol dedwan. Olabat bin strongbala en bin sabi hau blanga fait, bat najing na. Olabat kaan dum enijing.

⁶God blanga Jeikob, wen yubin graulim olabat adbalawei, detlot hosis en ola men bin buldanbuldan ded.