Ola Saam 69:3-7

³Mi nokap na brom jinginatbat langa yu blanga album mi, en main throut im nogud du. Mi ardim ai brom lukaranbat blanga yu blanga album mi.

⁴Detlot pipul hu nomo laigimbat mi fo najing, olabat jidan detmatj na, mowa den ol main heya langa main hed. Main enami olabat oldei dalimbat laiya stori blanga mi. Olabat strongbala en dei wandi kilim mi ded. Deibin meigim mi gibit ola ebrijing langa olabat weya ai nomo bin stilim.

⁵God, ai kaan haidim ol main nogudbalawei brom yu. Yu sabi wen mi jidan nogudbala.

⁶Yu na YAWEI, det Brabli Boswan God. Nomo larram mi meigim sheim langa ol detlot hu trastim yu. God blanga Isreil, nomo larram mi meigim sheim langa detlot hu weship yu.

⁷Blanga yu na najalot pipul bin meigim fan langa mi, en mi jidan garram sheim brabliwei na.