Ola Saam 66:10-12

¹⁰God, yubin testimbat melabat wulijim silba wen im barn langa faiya blanga klinimat det rabish pat. Wal lagijat na yubin testim melabat.

¹¹Yubin larram melabat abum loda trabul jis laik melabat bin buldan insaid langa trep, en jis laik yubin meigim melabat garrimap hebiwan loud langa bekboun.

¹²Yubin larram melabat enami olabat jidan krulbala bos langa melabat, jis laik deibin ranimdan melabat garram olabat hosis en bagi. Melabat bin abum brabli adtaim, jis laik wen faiya o fladwoda binijimap ebrijing blanga pipul. Bat yu na bin bringimap melabat langa seifwan pleis garram detmatj daga.