Ola Saam 59:4-7

⁴YAWEI, dei meigimbat miselp redi blanga kilim mi, bat ai nomo bin dum enijing rong!

⁵YAWEI, gidap na en album mi garram main trabul. Yu luk tharran garram yu ron ai. YAWEI, main Boswan God, en God blanga ola Isreil pipul, gidap na en panishim ol detlot pipul brom ebri kantri. Yu nomo sori langa detlot hu jidan nogudbala en tufeiswan.

⁶Main enami olabat oldei kambek ebri aftanuntaim, jis laik ola jigiwan dog weya dei wokaranbat ebriweya langa taun.

⁷Detlot nogudbala wed weya dei toktok gin kadim jis laik ola bigwan naif, en dei tok langa dei ronselp, “God kaan lisin langa wi.”