Ola Saam 57:2-5

²Main God, mi jingat langa yu. Yu Brabli Haiwan, en yu meigim det plen weya yu garram blanga mi hepin trubala.

³Yu irrim mi langa hebin, en yu ensim mi en seibum mi. Yu bidim main enami olabat hu gibitbat mi adtaim. Yu kaman en album mi lagijat na. Yu oldei laigim yu pipul, en yu oldei dum wanim yu pramis.

⁴Main enami olabat raidaran langa mi. Dei weidabat, redibala blanga kilim mi. Mi fil bradin na, laiga lilwan enimul im bradin wen im luk ola dinggo raidaran, en im luk olabat tang en olabat tuth.

⁵God, yu shoum yu haibala pawa deya ontop langa skai, en yu larram pipul luk yu brabli shainiwan lait ebriweya langa dijan wel. Yu shoum pipul ebriweya yu brabli haibalawan!