1God, seibum mi garram yu pawa, en garram yu pawa shoum pipul mi nomo rong.
2God, yu lisin langa main preya. Yu lisin langa ol main wed.
3Ola praudbala pipul kaman blanga fait langa mi. Ola krulbala pipul wandi kilim mi ded, ol detlot na hu nomo jinggabat blanga God.
4Bat God na oldei albumbat mi. Main bos im oldei seibum mi.
5Larram God yusum olabat ron nogudbalawei blanga panishim main enami olabat. Im garra binijimap olabat dumaji im trubalawan.
Ola Saam 54
Ola Saam 54:1-5