6Ola pipul hu jidan trubalawei langa God garra luk dijan, en olabat garra bradin. Brom deya dei garra laflaf langa yu en dei garra tok,
7“Yu luk! Iya na det brabli nogudbala men hu nomo bin kaman langa God blanga jidan seifwan, bat imbin trastimbat ola ebrijing weya imbin abum, en imbin trastimbat ol im nogudbalawei blanga jidan seifwan.”
8Bat mi, mi jidan jis laik det olibtri weya grogrobat langa God haus. Mi trastimbat langa God en im filing blanga laigimbat olagijawan.