4Yumob garra luk langa YAWEI blanga meigim yumob jidan gudbinjiwei, en im garra gibit yumob wanim yu wandim.
5Yumob garra gibit miselp langa YAWEI. Yumob garra trastim im en im garra album yumob.
6Im garra meigim det raitwei blanga yumob shain wulijim det san wen im gidap ailibala, en im garra meigim det feyagowei blanga yumob shain wulijim det san wen im dinataim.
7Nomo hatjamp. Yumob garra weit en wotjim wanim YAWEI garra dum. Nomo wori blanga detlot pipul hu tokabat en dumbat nogudbala ting en meigim miselp ritjwan lagijat na.