Ola Saam 18:18-20

¹⁸Wen aibin abum det trabul, ol detlot pipul bin oldei trai en gajulum mi. Bat YAWEI det trubala God bin oldei maindimbat mi.

¹⁹Imbin oldei album mi wen aibin abum det trabul, en imbin seibum mi, dumaji imbin gudbinji langa mi.

²⁰Wal YAWEI bin gudbala langa mi, dumaji mi oldei bulurrumbat det raitwei blanga im. En imbin tok gudbalawei langa mi, dumaji ai garram klinwan bingga, en nomo bin dum enijing rong.