Ola Saam 14:3-7

³Bat deibin ol tenawei brom YAWEI, en holot na jidan nogudwan. Nobodi dum rait ting enimo.

⁴YAWEI im tok, “Maitbi dei nomo sabi. Wotfo dei kaan len, dislot nogud pipul? Olabat oldei deigimwei ebrijing brom main pipulmob. Olabat nomo jingat langa mi.”

⁵Bat bambai God garra meigim olabat bradin brabliwei, dumaji im jidan garram ol detlot pipul hu teiknodis langa im.

⁶Detlot nogudbala pipul gibit adtaim langa ola powan pipul hu nomo garram enijing, bat YAWEI im maindimbat olabat.

⁷Mi prei adbalawei langa YAWEI weya im jidan langa Saiyan, blanga seibum ola pipul langa Isreil. Olabat garra jidan gudbinji brabliwei wen YAWEI garra meigim olabat abum ebrijing igin.