Ola Saam 139:15-22

¹⁵Yubin luk mi wen main bodi bin grogro, en wen yubin joinimap mi gudwei deya insaid langa main mami.

¹⁶Yubin luk mi deya wen ai nomo bin brabli beibi, en det taim na yubin sabi blanga mi brabliwei. Yubin sabi wotaim ai garra bon, en wotaim ai garra dai, en yubin raidimdan tharran langa yu buk bifo aibin bon.

¹⁷Main God, ebrijing weya yu jinggabat, olabat gudwan langa mi, mowa den enijing. Ai kaan kaundimap ola difrin ting weya yu jinggabat.

¹⁸Ai kaan kaundim olabat, dumaji dei jidan mowa den ola sengraun. Bat wen ai go silip en wen ai gidap mi stil garram yu.

¹⁹Bat God, ai wandim yu garra binijimap detlot brabli nogud pipul, ol detlot hu oldei meigimbat plen blanga medrimbat pipul. Yu andimwei olabat brom mi!

²⁰Olabat nomo rispek yu, najing! Olabat tokabat yu brabli nogudwei.

²¹Ai heidim detlot pipul hu heidim yu, YAWEI. Ai nomo laigim detlot hu gibit yu bekboun.

²²Ai nomo laigim detlot pipul, Dumaji olabat main enami.