Ola Saam 119:82-85

⁸²Mi nokap brom weidabat blanga wanim yubin pramisim. Mi askim yu, “Wotaim yu garra album mi?”

⁸³Mi brabli olwan en kaan wek enimo, jis laiga olwan letha but weya nobodi kaan yusum enimo, bat stil ai nomo bin fogedabat detlot lowa blanga yu.

⁸⁴Haulong ai garra weidabat? Wotaim yu garra panishim ol detlot pipul hu oldei dumbat nogudbala ting langa mi?

⁸⁵Detlot praudbala pipul hu nomo teiknodis langa yu lowa bin grajim dipwan hol blanga trepam mi.