Numperis 1:4-51

⁴Iwe, epwe wor eman mwän seni eu me eu ainang i mwänirelan an cho, epwe alisikemi.

⁵Ikkei iten ekewe mwän repwe alisikemi: Elisur nöün Seteur mwän seni ewe ainangen Rupen,

⁶Selumiel nöün Surisatai mwän seni ewe ainangen Simeon,

⁷Nason nöün Aminatap mwän seni ewe ainangen Juta,

⁸Netanel nöün Suar mwän seni ewe ainangen Isakar,

⁹Eliap nöün Helon mwän seni ewe ainangen Sepulon,

¹⁰nge seni mwirimwirin Josef kewe: Elisama nöün Amihut mwän seni ewe ainangen Efraim, pwal Kamaliel nöün Petasur mwän seni ewe ainangen Manasa,

¹¹Apitan nöün Kiteoni mwän seni ewe ainangen Peniamin,

¹²Ahieser nöün Amisatai mwän seni ewe ainangen Tan,

¹³Pakiel nöün Okran mwän seni ewe ainangen Aser,

¹⁴Eliasaf nöün Teuel mwän seni ewe ainangen Kat,

¹⁵Ahira nöün Enan mwän seni ewe ainangen Naftali.”

¹⁶Ikkei ir ätekewe mi kefilitä seni ekewe chon Israel, ir ekewe souemwenin än semer ainang pwal mwänirelan ekewe eterekesin Israel.

¹⁷Iwe, Moses me Aaron ra körato ekei mwän mi föü iter.

¹⁸Nge ir ra amwichafengeni ekewe aramasen Israel meinisin lon aeuin ränin ewe aruuen maram. Iwe, ra angei iteiten chon Israel lon en me an famili me än semer cho o makei iten eman me eman mwän seni ier rüe feitä,

¹⁹usun ewe Samol mi Lapalap a allük ngeni Moses. Iei usun Moses a angei iteiter lon ewe fanüapön Sinai.

²⁰Iwe, seni mwirimwirin Rupen nöün Israel we mwänichi, ekewe mwän meinisin seni ier rüe feitä mi tongeni fiti maun, ra aleaniir o makei iten eman me eman lon en me an famili me än semer cho.

²¹Iwe, ükükün seni ewe ainangen Rupen faik me wonungeröü limepükü mwän.

²²Seni mwirimwirin Simeon ekewe mwän meinisin seni ier rüe feitä mi tongeni fiti maun, ra aleaniir o makei iten eman me eman lon en me an famili me än semer cho.

²³Iwe, ükükün seni ewe ainangen Simeon lime me tiwungeröü ülüpükü mwän.

²⁴Seni mwirimwirin Kat ekewe mwän meinisin seni ier rüe feitä mi tongeni fiti maun, ra aleaniir o makei iter lon en me an famili me än semer cho.

²⁵Iwe, ükükün seni ewe ainangen Kat faik me limungeröü wonopükü lime mwän.

²⁶Seni mwirimwirin Juta ekewe mwän meinisin seni ier rüe feitä mi tongeni fiti maun, ra aleaniir o makei iter lon en me an famili me än semer cho.

²⁷Iwe, ükükün seni ewe ainangen Juta fik me rüanüngeröü wonopükü mwän.

²⁸Seni mwirimwirin Isakar ekewe mwän meinisin seni ier rüe feitä mi tongeni fiti maun, ra aleaniir o makei iter lon en me an famili me än semer cho.

²⁹Iwe, ükükün seni ewe ainangen Isakar lime me rüanüngeröü föpükü mwän.

³⁰Seni mwirimwirin Sepulon ekewe mwän meinisin seni ier rüe feitä mi tongeni fiti maun, ra aleaniir o makei iter lon en me an famili me än semer cho.

³¹Iwe, ükükün seni ewe ainangen Sepulon lime me fisungeröü föpükü mwän.

³²Seni nöün Josef kewe mwän, ekewe mwirimwirin Efraim, ekewe mwän meinisin seni ier rüe feitä mi tongeni fiti maun, ra aleaniir o makei iter lon en me an famili me än semer cho.

³³Iwe, ükükün seni ewe ainangen Efraim faikngeröü limepükü mwän.

³⁴Seni mwirimwirin Manasa ekewe mwän meinisin seni ier rüe feitä mi tongeni fiti maun, ra aleaniir o makei iter lon en me an famili me än semer cho.

³⁵Iwe, ükükün seni ewe ainangen Manasa ilik me ruungeröü rüepükü mwän.

³⁶Seni mwirimwirin Peniamin ekewe mwän meinisin seni ier rüe feitä mi tongeni fiti maun, ra aleaniir o makei iter lon en me an famili me än semer cho.

³⁷Iwe, ükükün seni ewe ainangen Peniamin ilik me limungeröü föpükü mwän.

³⁸Seni mwirimwirin Tan ekewe mwän meinisin seni ier rüe feitä mi tongeni fiti maun, ra aleaniir o makei iter lon en me an famili me än semer cho.

³⁹Iwe, ükükün seni ewe ainangen Tan wone me ruungeröü füpükü mwän.

⁴⁰Seni mwirimwirin Aser ekewe mwän meinisin seni ier rüe feitä mi tongeni fiti maun, ra aleaniir o makei iter lon en me an famili me än semer cho.

⁴¹Iwe, ükükün seni ewe ainangen Aser faik me eungeröü limepükü mwän.

⁴²Seni mwirimwirin Naftali ekewe mwän meinisin seni ier rüe feitä mi tongeni fiti maun, ra aleaniir o makei iter lon en me an famili me än semer cho.

⁴³Iwe, ükükün seni ewe ainangen Naftali lime me ülüngatngeröü föpükü mwän.

⁴⁴Ikkei ir ekewe mwän Moses me Aaron ra aleaniir, nge ekewe engol me ruoman souemwenin Israel mi tupuni en me än saman cho ra alisiir.

⁴⁵Iwe, kapachelapen iteiten mwänin Israel seni lon än semer kewe cho seni ier rüe feitä mi tongeni fiti maun

⁴⁶ükükün wonopükü ülüngatngeröü limepükü lime mwän.

⁴⁷Nge chon ewe ainangen Lefi resap alealong lon iteiten ekewe lusun ainang.

⁴⁸Pun ewe Samol mi Lapalap a üreni Moses,

⁴⁹“Kosap aleani chon ewe ainangen Lefi, kosap pwal alearelong lein ekewe re Israel mi tongeni fiti maun.

⁵⁰Nge kopwe awisa ekewe mwän seni ewe ainangen Lefi pwe repwe tümwünü ewe imwenfel seni mangaku ia ekewe allük ra nom ie me pisekin meinisin. Iwe, repwe mwärefetalei ewe imwenfel me pisekin meinisin o tümwünüöchüür, repwe pwal aüetä imwer imw mangaku pwelin ünükün.

⁵¹Iwe, ekewe mwän seni ewe ainangen Lefi repwe atomwala ewe imwenfel seni mangaku, lupwen ekewe chon Israel repwe sai, nge repwe pwal aüsefäli, lupwen ekewe chon Israel repwe asösö. Iwe, are eman me lükür epwe kan ngeni ei imwenfel, epwe ninnila.